Astana politseileri 87 jastaǵy qartty tonaǵan er adamdy quryqtady, – dep habarlaidy Polisia.kz.
Kúdikti zeinetkerden qujattary men aqshasy salynǵan sómkesin tartyp alǵan. Shabýyl kúndizgi ýaqytta Jubanov kóshesindegi úidiń kireberisiniń janynda bolǵan.
Er adam qart áieldi kórip, júgirip baryp onyń qolynan sómkeni julyp alyp qashyp ketken.
Jedel-izdestirý is-sharalaryn ótkizý barysynda elordalyq politsiia qyzmetkerleri kúdiktini quryqtady. Ol buryn birneshe ret sottalǵan 34 jastaǵy qala turǵyny bolyp shyqty. Tergeý barysynda politsiia onyń taǵy bir tonaýǵa qatysy bar ekenin anyqtady. Ekinshi jaǵdaida ol 46 jastaǵy astanalyqty tonaǵan. Keshki ýaqytta kúdikti Jubanov kóshesinde er adamnan telefony salynǵan barsetkasyn tartyp alyp, qashyp ketken.
Atalǵan faktiler boiynsha qylmystyq is qozǵaldy, elorda aýmaǵynda jasalǵan basqa da osyǵan uqsas qylmystarǵa qatysy bar-joǵy tekserilýde. Tonaýǵa qatysy bar er adam ýaqytsha ustaý izoliatoryna qamaldy.
