استانا پوليتسەيلەرٸ 87 جاستاعى قارتتى توناعان ەر ادامدى قۇرىقتادى, – دەپ حابارلايدى Polisia.kz.
كٷدٸكتٸ زەينەتكەردەن قۇجاتتارى مەن اقشاسى سالىنعان سٶمكەسٸن تارتىپ العان. شابۋىل كٷندٸزگٸ ۋاقىتتا جۇبانوۆ كٶشەسٸندەگٸ ٷيدٸڭ كٸرەبەرٸسٸنٸڭ جانىندا بولعان.
ەر ادام قارت ەيەلدٸ كٶرٸپ, جٷگٸرٸپ بارىپ ونىڭ قولىنان سٶمكەنٸ جۇلىپ الىپ قاشىپ كەتكەن.
جەدەل-ٸزدەستٸرۋ ٸس-شارالارىن ٶتكٸزۋ بارىسىندا ەلوردالىق پوليتسييا قىزمەتكەرلەرٸ كٷدٸكتٸنٸ قۇرىقتادى. ول بۇرىن بٸرنەشە رەت سوتتالعان 34 جاستاعى قالا تۇرعىنى بولىپ شىقتى. تەرگەۋ بارىسىندا پوليتسييا ونىڭ تاعى بٸر توناۋعا قاتىسى بار ەكەنٸن انىقتادى. ەكٸنشٸ جاعدايدا ول 46 جاستاعى استانالىقتى توناعان. كەشكٸ ۋاقىتتا كٷدٸكتٸ جۇبانوۆ كٶشەسٸندە ەر ادامنان تەلەفونى سالىنعان بارسەتكاسىن تارتىپ الىپ, قاشىپ كەتكەن.
اتالعان فاكتٸلەر بويىنشا قىلمىستىق ٸس قوزعالدى, ەلوردا اۋماعىندا جاسالعان باسقا دا وسىعان ۇقساس قىلمىستارعا قاتىسى بار-جوعى تەكسەرٸلۋدە. توناۋعا قاتىسى بار ەر ادام ۋاقىتشا ۇستاۋ يزولياتورىنا قامالدى.
