Búgin, 11 shilde 5-shi Dúniejúzilik kóshpendiler oiyndaryn daiyndaý jáne ótkizý jónindegi Direktsiiasy «Alageum Electric» Kompaniialar tobymen ekijaqty memorandýmǵa qol qoidy. Memorandým negizinde «Alageum Electric» 5-shi Dúniejúzilik kóshpendiler oiyndarynyń resmi Bas demeýshisi bolyp tanyldy. Bul týraly 5-shi Dúniejúzilik Kóshpendiler oiyndary Direktsiiasynyń resmi telegram arnasynda habarlandy.
Sharaǵa 5-shi Dúniejúzilik kóshpendiler oiyndaryn daiyndaý jáne ótkizý jónindegi Direktsiia basshysy Nail Nurov pen «Alageum Electric» KT Direktorlar keńesiniń Tóraǵasy Erkebulan Iliiasov qatysty.
«Otandyq alpaýyt kompaniianyń jyldyń eń mańyzdy oqiǵasy – 5-shi Dúniejúzilik kóshpendiler oiyndaryna qyzyǵýshylyq tanytýy otandyq sportqa, onyń ishinde ulttyq sportqa degen joǵary qurmetti kórsetedi. Biz Alageum Electric kompaniiasynyń 5-shi Dúniejúzilik kóshpendiler oiyndarynyń bir bóligi bolǵanyna qýanyshtymyz», - dedi direktsiia basshysy Nail Nurov.
Ulttyq sport túrlerin qoldaý jáne olardy odan ári damytý jónindegi jumysty júieleý maqsatynda 2024 jyly «Ulttyq sport túrlerin qoldaý qory» Qoǵamdyq qory quryldy.
«Ulttyq sport qorynyń» basty maqsaty: ulttyq sport túrlerin damytý, sportshylar men jattyqtyrýshylardy qoldaý, ulttyq dástúr men mádenietti nasihattaý ári saqtaý. Odan bólek ulttyq sport túrlerinen ótetin jarystardyń sapaly ótýine, sportshylarǵa qarjylyq jáne materialdyq kómek kórsetýge, jattyqtyrýshylar men tóreshilerdiń biliktiligin arttyrýǵa jáne damý baǵdarlamalaryn iske asyrýǵa yqpal jasap, ulttyq sport túrlerin zertteý jáne damytý boiynsha ǵylymi-zertteý jumystaryn atqarý qordyń tikelei qyzmeti bolady.
«Bizdiń kompaniia árqashan elimizdiń mádeni jáne sporttyq dástúrin qoldaýǵa jáne damytýǵa umtylady. Dúniejúzilik kóshpendiler oiyndarynyń bas demeýshisi mártebesi - bul bizdiń aǵymdaǵy jumysymyzdyń jalǵasy dep sanaýǵa bolady. Biz halyqaralyq arenada dástúrli sport túrlerin nasihattaýǵa óz úlesimizdi qosa alýymyzdy maqtan tutamyz», - dedi «Alageum Electric» KT Direktorlar keńesiniń Tóraǵasy Erkebulan Iliiasov.
«Alageum Electric» elektrotehnika kompaniiasy Qazaqstan Respýblikasy Týrizm jáne Sport ministri Ermek Marjyqpaevtyń tikelei muryndyq bolýymen 5-shi Dúniejúzilik Kóshpendiler oiyndaryn qoldaýǵa niet bildirdi. Bul mańyzdy qadam Kompaniianyń ulttyq sport túrlerin qoldaý jáne damytý jolyndaǵy adaldyǵyn, sonymen qatar áleýmettik jaýapkershiligin, tamyryna jáne halyqtyń tarihi murasyna degen qurmetin kórsetedi.
Aita keterligi, 8-13 qyrkúiekte Astana qalasynda etnikalyq sport túrlerinen ótkiziletin halyqaralyq sport jarystary – 5-shi Dúniejúzilik kóshpendiler oiyndary ótedi. Is-sharada 89 elden 2000-nan astam qatysýshy bolady dep josparlanýda. 5-shi Dúniejúzilik kóshpendiler oiyndarynyń Bas demeýshisi - ALAGEUM ELECTRIC, Oiyndardyń Bas seriktesi - Halyk Bank.
Astanada ótetin Dúniejúzilik kóshpendiler oiyndarynda barlyǵy 21 sport túrinen 97 medal jiyntyǵy sarapqa salynady.
