Foto: ashyq derekkóz
Elordadaǵy «Jetisý» saiabaǵynda Otbasy kúnine arnalǵan «Otbasy Fest» aýqymdy otbasylyq festival uiymdastyryldy. Is-shara QR Mádeniet jáne aqparat ministrligi, BUU halyqty ornalastyrý qory (IýNFPA), Ulybritaniia Elshiligi, «Senim Qogamy» qoǵamdyq qory, sondai-aq Astana qalasy ákimdiginiń qoldaýymen ótti, dep habarlaidy Ult.kz.
Festival júzdegen otbasyn jinap, qonaqtarǵa jarqyn merekelik atmosfera syilady. Baǵdarlama aiasynda kontsertter, sheberlik sabaqtary, interaktivti alańdar, balalarǵa arnalǵan sporttyq jáne shyǵarmashylyq saiystar ótti. Sonymen qatar ata-analarǵa bala tárbiesi, reprodýktivti densaýlyq jáne áke jaýapkershiligi taqyryptary boiynsha mamandardyń dáristeri men keńesteri usynyldy.
QR Mádeniet jáne aqparat vitse-ministri Evgenii Kochetov quttyqtaý sózinde mundai is-sharalardyń erekshe mańyzyn atap ótti.
«Festival otbasylyq qundylyqtardy nyǵaitýǵa, jas jubailardy qoldaýǵa jáne azamattardy berik ári baqytty otbasyn qurýǵa yqpal etetin jaqsy dástúrge ainalady dep senemiz», – dedi ol.
«Otbasy Fest» otbasy institýtyn nyǵaitý isinde memleket, halyqaralyq uiymdar jáne azamattyq qoǵam arasyndaǵy jemisti yntymaqtastyqtyń úlgisi boldy. Festival qatysýshylarǵa erekshe áser syilap qana qoimai, otbasy birligi men jaýapkershiligi sekildi qundylyqtardy nasihattady.
