فوتو: اشىق دەرەككٶز
ەلورداداعى «جەتٸسۋ» ساياباعىندا وتباسى كٷنٸنە ارنالعان «Otbasy Fest» اۋقىمدى وتباسىلىق فەستيۆال ۇيىمداستىرىلدى. ٸس-شارا قر مەدەنيەت جەنە اقپارات مينيسترلٸگٸ, بۇۇ حالىقتى ورنالاستىرۋ قورى (يۋنفپا), ۇلىبريتانييا ەلشٸلٸگٸ, «Senim Qogamy» قوعامدىق قورى, سونداي-اق استانا قالاسى ەكٸمدٸگٸنٸڭ قولداۋىمەن ٶتتٸ, دەپ حابارلايدى Ult.kz.
فەستيۆال جٷزدەگەن وتباسىن جيناپ, قوناقتارعا جارقىن مەرەكەلٸك اتموسفەرا سىيلادى. باعدارلاما اياسىندا كونتسەرتتەر, شەبەرلٸك ساباقتارى, ينتەراكتيۆتٸ الاڭدار, بالالارعا ارنالعان سپورتتىق جەنە شىعارماشىلىق سايىستار ٶتتٸ. سونىمەن قاتار اتا-انالارعا بالا تەربيەسٸ, رەپرودۋكتيۆتٸ دەنساۋلىق جەنە ەكە جاۋاپكەرشٸلٸگٸ تاقىرىپتارى بويىنشا مامانداردىڭ دەرٸستەرٸ مەن كەڭەستەرٸ ۇسىنىلدى.
قر مەدەنيەت جەنە اقپارات ۆيتسە-مينيسترٸ ەۆگەنيي كوچەتوۆ قۇتتىقتاۋ سٶزٸندە مۇنداي ٸس-شارالاردىڭ ەرەكشە ماڭىزىن اتاپ ٶتتٸ.
«فەستيۆال وتباسىلىق قۇندىلىقتاردى نىعايتۋعا, جاس جۇبايلاردى قولداۋعا جەنە ازاماتتاردى بەرٸك ەرٸ باقىتتى وتباسىن قۇرۋعا ىقپال ەتەتٸن جاقسى دەستٷرگە اينالادى دەپ سەنەمٸز», – دەدٸ ول.
«Otbasy Fest» وتباسى ينستيتۋتىن نىعايتۋ ٸسٸندە مەملەكەت, حالىقارالىق ۇيىمدار جەنە ازاماتتىق قوعام اراسىنداعى جەمٸستٸ ىنتىماقتاستىقتىڭ ٷلگٸسٸ بولدى. فەستيۆال قاتىسۋشىلارعا ەرەكشە ەسەر سىيلاپ قانا قويماي, وتباسى بٸرلٸگٸ مەن جاۋاپكەرشٸلٸگٸ سەكٸلدٸ قۇندىلىقتاردى ناسيحاتتادى.
