Aýǵanstannan kelgen astanalyq stýdent Hafiz Han beineúndeý arqyly Qazaqstan Prezidenti Nursultan Nazarbaevqa júginip, eldegi soǵysty toqtatýǵa kómektesýdi ótindi, dep habarlaidy "Ult aqparat" sputniknews.kz agenttigine silteme jasap.
"Men aýǵan soǵysynda aman qaldym. Ákemniń kóz jasyn kórdim. Bul - óte qorqynyshty. Qaryndasymdy mektepke jiberýge qorqamyz, sebebi oralmaýy múmkin ekenin bilemiz. Biraq men eshkimnen kek alǵym kelmeidi. Men tynyshtaldym. Qazaqstanda jaqsy bilim alyp jatyrmyn. Meni túrli ult ókilderimen beibit ómir súrýge úiretti, Aýǵanstan halqy da osylai ómir súrýi kerektigin túsindim", - deidi Han.
Jas jigit AQSh prezidenti Donald Tramp pen Qazaqstan basshysy Nursultan Nazarbaevtan Aýǵanstandaǵy jaǵdaidy retteýge kómektesýdi surady.
"Qurmetti Nursultan Nazarbaev, siz – álemdik aýqymdaǵy kóshbasshysyz. Kóptegen janjaldy sheshýde talai ret bitimger boldyńyz. Qazir bári Astanada ótken Siriia boiynsha kelissózder nátijesin kórip otyr. Taiaýda jańalyqtardan sizdiń Donald Tramppen kezdesetinińizdi estidim. Nursultan Ábishuly, sizden oǵan meniń sózderimdi jetkizýdi jáne Qazaqstanda beibit dialog bastaýdy ótinemin", - deidi stýdent.
Sondai-aq, Hafiz Han aýǵandyq stýdentterdi ózi bastaǵan "Jastar beibitshilik úshin" fleshmobyn qoldaýǵa shaqyrdy.
