Foto: QR Mádeniet jáne aqparat ministrliginiń baspasóz qyzmeti
«Astana Opera» teatrynda HasSak etno-folklorlyq ansamblimen birlesip ázirlengen Nomad Inspiration baǵdarlamasynyń premerasy ótti. Bul týraly QR Mádeniet jáne aqparat ministrligine silteme jasap Ult.kz habarlaidy.
Baǵdarlamaǵa ulttyq horeografiialyq qoiylymdar men aspaptyq mýzyka engen.
Bul jarqyn is-shara Qazaqstan Respýblikasy Mádeniet jáne aqparat ministrliginiń qoldaýymen uiymdastyryldy.
Baǵdarlamada HasSak ansambliniń áserli mýzykasyna qurylǵan «Toi bastar» jáne «Aralym» qoiylymdarynyń premerasy, sondai-aq kompozitor Hamit Shanǵalievtiń mýzykasyna jazylǵan «Álem» («Álemniń negizderi») týyndysy usynyldy. Buǵan qosa, baǵdarlamada «HasSaqnama», «Uly Jibek joly», «Záýren», «Ańsaý», «Órleý», «Turan jolbarysy» jáne «Tartý» syndy HasSak etno-folklorlyq ansambliniń týyndylary oryndaldy.
Aita ketý kerek, bul teatr men qazaqstandyq HasSak etno-folklorlyq ansambli birlesip jasaǵan jalǵyz joba emes. Mundai aýqymdy baǵdarlamanyń júzege asýyna balet trýppasynyń kórkemdik jetekshisi Altynai Asylmuratova sebepker boldy. Ol «Astana Opera» teatrynyń jas horeograftaryn qoldap, olardyń sheberligin shyńdaýǵa bar kúshin salyp keledi.
