Foto: gov.kz
Elordada jeńildetilgen nesie rásimdeýge kómektesemin dep ýáde berip, turǵyndardy san soqtyrǵan alaiaqqa qatysty sot úkimi shyqty. Bul týraly Astana qalalyq prokýratýrasy habarlady.
Tergeý málimetinshe, azamat ózin ulttyq kompaniia qyzmetkeri retinde tanystyryp, nebári 100 myń teńgege «jeńildetilgen jolmen nesie áperýdi» usynǵan. Bir ai ishinde 16 adam onyń sózine senip, aqshalaryn aýdarǵan. Joǵalǵan qarjy kólemi 4 mln teńgeden asyp ketken.
Prokýratýranyń málimetinshe, sot aiyptalýshyny kináli dep tanyp, tórt jylǵa bas bostandyǵynan aiyrdy. Sondai-aq keltirilgen materialdyq shyǵyn óndirildi. Úkim zańdy kúshine endi.
Qadaǵalaý organy turǵyndardy qyraǵy bolýǵa, kúmándi usynystarǵa senbeýge jáne aqparatty tek resmi kózderden tekserip otyrýǵa shaqyrdy.
