Roza Baǵlanova atyndaǵy «Qazaqkontsert» memlekettik akademiialyq kontserttik uiymynda aqiyq aqyn Muqaǵali Maqataevtyń 95 jyldyǵyna arnalǵan «Qazaǵym-ai» atty ádebi-mýzykalyq kesh ótti.
Is-sharada aqynnyń óleńmen órilgen otty jyrlary, áýezdi áýen men jandy oryndaý kórermenge esten ketpes estelik syilady. Kontserttik baǵdarlamada halyq súiip tyńdaityn ánder usynyldy. Atap aitqanda, «Aitatyn saǵan syrym bul», «Aiagóz arý», «Japyraq júrek jas qaiyń», «Sábi bolǵym keledi», «Men dep oila», «Esińe meni alǵaisyń», «Týǵan ólke», «Otan», «Sarjailaý» jáne t.b.
Is-sharada Qazaqstannyń eńbek sińirgen qairatkerleri Qurmash Mahan, Tolǵanbai Sembaev, Medet Salyqov, Klara Tólenbaeva, Erlan Rysqali, «Eren eńbegi úshin» tósbelgisiniń iegeri Altynshash Muqataeva, «Daryn» memlekettik jastar syilyǵynyń laýreattary Ádilhan Makin, Kúnsulý Túrikpen, «Mádeniet salasynyń úzdigi» tósbelgisiniń iegeri Perizat Turarova, respýblikalyq jáne halyqaralyq baiqaýlardyń laýreattary Álihan Dúisenbai, Talǵat Allaberinov, Jasulan Naýryzbaiuly, Jaslan Kárim, Nurai Myqty, Nursezim Samatqyzy, Birjan Aitahmet, Diana Altaiqyzy, Aidos Saniiazbek, Dáriia Bekpenbet, Aqbópe Álibekova, Jasulan Kópbergen, sondai-aq, «Astana Musical» memlekettik teatry, «Astana sazy» qazaq memlekettik folklorlyq ansambli, «SAZ&SOUL» toby jáne «Gulder» ansambliniń baleti óner kórsetti.
Atalǵan keshke aqynnyń uly Juldyz Maqataev pen kelini Baqytkúl Maqataeva arnaiy qonaq retinde qatysty.
