Nur-Sultan qalasynda Memlekettik týdy saltanatty kóterý rásimi ótti, dep habarlaidy QazAqparat.
«Búgin elimizde memlekettik mereke – Qazaqstan Respýblikasynyń Táýelsizdigi kúni. Saltanatty meiramǵa orai «Atameken» etno-memorialdyq kesheniniń aýmaǵynda Tý kóterý rásimi ótti», - dep jazylǵan QR Prezidenti Teleradiokesheniniń resmi akkaýntynda.
QR Memlekettik kúzet qyzmetiniń Qurmetti qaraýyly Táýelsizdik merekesiniń 30 jyldyq merekesine orai Memlekettik týdy saltanatty jaǵdaida kóterý úshin etno-memorialdyq keshen aldynda sap túzedi.
Týtuǵyrdaǵy kók Bairaǵymyz kókke kóterilgennen keiin Ánuran shyrqaldy.
