© Sputnik / Vladimir Pesnia
Astanada memleketaralyq izdeýde júrgen eki qylmysker ustaldy, – dep habarlaidy Polisia.kz.
Jedel-izdestirý is-sharalary barysynda elordada politseiler aýyr qylmys jasaǵany úshin memleketaralyq izdestirýde bolǵan Resei Federatsiiasynyń eki azamatyn ustady. Ustalǵan qylmyskerdiń biri – 1984 jyly kórshi memlekettiń aýmaǵynda jasaǵan qylmystary úshin izdeýde júrgen 67 jastaǵy Resei Federatsiiasynyń azamaty. Ol qaýip-qaterden bas tartý, qaraqshylyq, kisi óltirý jáne jynystyq sipattaǵy zorlyq-zombylyq baptar boiynsha aiyptalýda.
Qylmys jasaǵannan keiin kúdikti jazadan qutylyp ketken, tek osy jyldyń qyrkúieginde Resei Federatsiiasy IIM qylmystyq isti qaita bastap, oǵan halyqaralyq izdeý jariialaǵan. Er adam qalanyń kópqabatty úileriniń biriniń aýlasynda ustaldy.
Ekinshi ustalǵan – 47 jastaǵy Ingýshetiia Respýblikasynyń azamaty. Ol 2023 jyldyń shildesinen bastap jarylǵysh zattardy ornalastyrdy degen kúdikpen izdeýde júrgen. Er adam sot úkimi zańdy kúshine engenge deiin Resei Federatsiiasynyń aýmaǵynan ketip qalyp, bir jarym jyldan astam ýaqyt qashyp júrgen.
Politsiia onyń ornalasqan jerin anyqtap, ustady. Eki qylmysker de "Quqyqtyq tártip" JPSh sheńberinde quryqtaldy jáne qamaýda otyr. Qazirgi ýaqytta olardy Resei Federatsiiasynyń aýmaǵyna ekstraditsiialaý máselesi sheshilýde.
