Astanada memqyzmetker 30 myń dollar para almaq bolǵan. Ol QR Qarjy ministrligi Memlekettik kirister komitetinde isteidi, dep xabarlaidy QazAqparat tilshisi.
QR Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Nurlan Jaxinniń aitýynsha, keshe ǵana Memlekettik kirister salasynyń taǵy bir qyzmetkeri ústinen qylmystyq is qozǵaldy.
«Astana qalasynyń Memlekettik kirister departamentiniń ekonomikalyq qylmystardy tergeý qyzmetiniń ofitseri ustaldy. Kúdikti 30 myń AQSh dollardyń parasyn alýǵa oqtalǵan. Tergeý bastalyp ketti», - dep atap kórsetti N.Jaxin.
Aita keteiik, buǵan deiin Shyǵys Qazaqstan oblysynda qytailyq taýarlardy ótkizgeni úshin para alǵan osy salanyń birneshe qyzmetkeri ustalǵan bolatyn. Olar eki jyl boiy zańsyz syiaqy alyp kelgen. Bir kásipker 2016-2018 jyldary aralyǵynda Qytaidan taýar tasyǵan. Sonyń bárin kedergisiz ákelgeni úshin ekonomikalyq qylmystardy tergeý qyzmetiniń asa mańyzdy ister boiynsha aǵa ofitserine jáne Maiqapshaǵai keden beketiniń bas mamanyna jalpy sommasy 40 myń AQSh dollary kólemindegi parany júieli túrde berip otyrdy. «Kúdiktilerdiń keńseleri, turǵylyqty jerleri men kólikterin tintý kezinde 13 mln teńgeden astam shetel valiýtasy anyqtaldy. Qazirgi kezde úsh adam qamaýǵa alyndy. Tergeý sharalary júrgizilip jatyr», - dep atap kórsetti N.Jaxin.
