Foto: ashyq derekkóz
Elordadaǵy mektepterdiń birinde kámeletke tolmaǵan joǵary synyp oqýshysy buryn osy mektepte birge oqyǵan qyzben buzaqylyq nietpen synyptardyń birine gaz ballonyn shashqan, dep habarlaidy Ult.kz.
Oqiǵa kezinde synyptaǵy oqýshylardyń ómiri men densaýlyǵyna qaýip tónbegen.
Tekserý barysynda kámeletke tolmaǵandardyń jeke basy anyqtalyp, olardyń áreketterine quqyqtyq baǵa berildi. Belgili bolǵandai, gaz ballonyn shashqan jasóspirim buǵan deiin birneshe ret úiinen sebepsiz ketý deregi boiynsha profilaktikalyq esepte turǵan.
Oqiǵaǵa bailanysty bilim berý mekemesinde profilaktikalyq jumystar uiymdastyrylyp, jasóspirimdermen jáne olardyń zańdy ókilderimen túsindirý sharalary júrgizildi. Materialdar kámeletke tolmaǵandardyń isteri jónindegi komissiiaǵa joldandy.
Sondai-aq ata-analar balalarynyń áreketi jáne olardy tárbieleý mindetterin tiisinshe oryndamaǵany úshin jaýapkershilikke tartylǵan.
Politsiia mundai áreketterdiń jai erkelik emes, ainaladaǵy adamdarǵa qaýip tóndiretinin eskertip, ata-analardy balalardyń minez-qulqyna muqiiat bolýǵa shaqyrdy.
