Astanada mektep oqýshylarynyń arasyndaǵy tóbeles videoǵa túsip qaldy, dep habarlaidy Ult.kz.
Oqiǵa Kúltegin kóshesi, 15 mekenjaidaǵy “Mechta” turǵyn úi kesheninde, shamamen saǵat 15:00-de oryn alǵan. Beinejazbadan birneshe jasóspirimniń sózdik janjaldan soń kóshede tóbeleske ulasqanyn kórýge bolady. Jergilikti derekter boiynsha, qatysýshylardyń kópshiligi №71 mekteptiń oqýshylary bolýy múmkin.
Astana qalalyq politsiia departamentiniń habarlaýynsha, tóbeleske qatysqan barlyq jasóspirimder anyqtaldy. Politsiianyń málimetinshe, janjaldyń bastalý sebebi bir oqýshynyń qyzdy qorǵaýy bolǵan, biraq sózdik janjal qysqa ýaqyt ishinde fizikalyq qaqtyǵysqa ulasyp ketken.
«Barlyq qatysýshylar anyqtaldy. Oqiǵa qoǵamdyq orynda buzaqylyq jasaý deregi retinde tirkeldi. Materialdar kámeletke tolmaǵandar isteri boiynsha mamandandyrylǵan aýdanaralyq sotqa joldandy», — dedi vedomstvo ókilderi.
Qazir sot barysynda oqiǵanyń barlyq mán-jaiy qaralyp, qatysýshylarǵa qatysty tiisti sheshim qabyldanady.
