استانادا مەكتەپ وقۋشىلارىنىڭ اراسىنداعى تٶبەلەس ۆيدەوعا تٷسٸپ قالدى, دەپ حابارلايدى Ult.kz.
وقيعا كٷلتەگٸن كٶشەسٸ, 15 مەكەنجايداعى “مەچتا” تۇرعىن ٷي كەشەنٸندە, شامامەن ساعات 15:00-دە ورىن العان. بەينەجازبادان بٸرنەشە جاسٶسپٸرٸمنٸڭ سٶزدٸك جانجالدان سوڭ كٶشەدە تٶبەلەسكە ۇلاسقانىن كٶرۋگە بولادى. جەرگٸلٸكتٸ دەرەكتەر بويىنشا, قاتىسۋشىلاردىڭ كٶپشٸلٸگٸ №71 مەكتەپتٸڭ وقۋشىلارى بولۋى مٷمكٸن.
استانا قالالىق پوليتسييا دەپارتامەنتٸنٸڭ حابارلاۋىنشا, تٶبەلەسكە قاتىسقان بارلىق جاسٶسپٸرٸمدەر انىقتالدى. پوليتسييانىڭ مەلٸمەتٸنشە, جانجالدىڭ باستالۋ سەبەبٸ بٸر وقۋشىنىڭ قىزدى قورعاۋى بولعان, بٸراق سٶزدٸك جانجال قىسقا ۋاقىت ٸشٸندە فيزيكالىق قاقتىعىسقا ۇلاسىپ كەتكەن.
«بارلىق قاتىسۋشىلار انىقتالدى. وقيعا قوعامدىق ورىندا بۇزاقىلىق جاساۋ دەرەگٸ رەتٸندە تٸركەلدٸ. ماتەريالدار كەمەلەتكە تولماعاندار ٸستەرٸ بويىنشا مامانداندىرىلعان اۋدانارالىق سوتقا جولداندى», — دەدٸ ۆەدومستۆو ٶكٸلدەرٸ.
قازٸر سوت بارىسىندا وقيعانىڭ بارلىق مەن-جايى قارالىپ, قاتىسۋشىلارعا قاتىستى تيٸستٸ شەشٸم قابىلدانادى.
