Foto: Astana ákimdigi
29 qyrkúiekten bastap Astanada jeńil relsti kólik júiesin synaq rejiminde paidalaný bastaldy, dep habarlaidy Ult.kz.
«Elordadaǵy LRT júrgizýshisiz qozǵalady. Synaq barysynda mamandar relsterdi, stantsiialardy, bailanys jelilerin, jyljymaly quramdy, qaýipsizdik pen qozǵalysty basqarý júiesin tekseredi. Erekshe nazar qyzmetkerlerdi daiyndaýǵa, tótenshe jaǵdaidaǵy is-qimyl jáne LRT-ny basqa kólik túrlerimen integratsiialaýǵa aýdarylady», - delingen habarlamada.
LRT quramdary tolyq avtomattandyrylǵan basqarý júiesimen jabdyqtalǵan. Qozǵalys, ara qashyqtyqty saqtaý, toqtaý, esikterdi ashý jáne jabý, depodan shyǵý jáne kirý, jýý jumystary operatordyń qatysýynsyz júzege asyrylady.
Jabdyq pen infraqurylymdy keshendi synaý keminde 6 aiǵa sozylady.
Poiyzdar bastapqyda 10 km/saǵ jyldamdyqpen qozǵalyp, keiin jyldamdyq pen synaq aimaqtary kezeń-kezeńimen artady.
