Foto:depositphotos.com
Astanada LRT jelisiniń negizin betondaý boiynsha qurylys-montajdaý jumystaryna bailanysty R-10 ainalma jolyndaǵy kólik qozǵalysyn eki baǵytta tolyq shekteý josparlanyp otyr, - dep habarlaidy qala ákimigi málimeti.
Kólikter Áýejai jáne Arnasai kóshesi baǵytyndaǵy oń jaq aýyspa joldarmen júrgiziledi.
- 17 mamyrda saǵat 04:00-den 18 mamyrda saǵat 08:00-ge deiin joldyń ústindegi LRT jelisi negiziniń alańyn betondaý boiynsha jumystardy oryndaý, sondai-aq dánekerleý jumystary júrgiziledi;
- 24 mamyrda saǵat 04:00-den 12:00-ge deiin joldyń ústindegi LRT jelisiniń parapetteriniń qalyptaryn ornatý jáne beton quiý jumystary oryndalady;
- 25 mamyrda saǵat 14:00-den 18:00-ge deiin parapet qalyptaryn demontajdaý jumystary oryndalady.
Sonymen qatar, LRT jelisiniń tirekteri men estakada bóligin boiaý jumystary júrgizilip jatyr.
"Osyǵan bailanysty júrgizýshilerden jumys júrgizilip jatqan ýchaskelerdiń mańyna kólikterin qoimaýdy suraimyz.
Elorda qonaqtary men turǵyndarynan jol qozǵalysy baǵytyn aldyn ala josparlaýyn suraimyz, sondai-aq ýaqytsha qolaisyzdyq úshin keshirim suraimyz", - delingen habarlamada.
