Astanada boijetken lift ishinde beitanys er adamnyń tiisip, keiin tepkenin aityp, áleýmettik jelide jazba jariialady. Politsiia kúdikti er adamdy anyqtap, isti sotqa joldady, dep habarlaidy ult.kz.
Boijetkenniń aitýynsha, ol dúkennen úiine qaityp kele jatqanda, artynan kólik erip kele jatqanyn baiqaǵan. Keiin beinebaqylaý jazbasyn kórip, kóliktegi er adamnyń sońynan liftke deiin barǵanyn anyqtaǵan.
Onyń sózinshe, lift ishinde er adam birneshe ret oǵan tiisken. Boijetken qarsylyq bildirgenimen, ol ádeii artynda turyp, syrtqa shyǵar kezde tepken.
Oqiǵaǵa qatysty Astana qalasy politsiia departamentiniń Nura aýdandyq politsiia basqarmasy tekserý júrgizgen.
«Quqyq buzýshy anyqtaldy. Usaq buzaqylyq faktisi boiynsha ákimshilik hattama toltyrylyp, is materialdary sotqa joldandy», – dep habarlady politsiia.
