31 mamyr kúni «Beibitshilik jáne Kelisim saraiynda» Q. Qýanyshbaev atyndaǵy Memlekettik akademiialyq qazaq mýzykalyq drama teatry «Qyzyl oramaldy shynarym» atty lirikalyq dramasynyń premerasyn ótkizedi, dep habarlaidy "Ult aqparat".
Qoiylym rejisseri – Qazaqstannyń Halyq artisi Talǵat Temenov. Qoiýshy sýretshisi – Rahat Saparalieva.
Qyrǵyzdyń ataqty jazýshysy Shyńǵys Aitmatov qalamynan týyndaǵan shyǵarmalar teatr repertýarynan eleýli oryn alady. «Borandy beket» romanynyń jelisi boiynsha Halyq qaharmany Á.Mambetov «Ǵasyrdan da uzaq kún» spektaklin sahnalasa, «Jámilá» povesi men «Raimaly» ańyzynyń jelisimen Qazaqstannyń Halyq artisi, rejisser Talǵat Temenov sýretker jazýshynyń qos týyndysy negizinde «Aqqýdyń kóz jasy» lirikalyq dramasyn týdyrdy. Al, osy maýsymda qarymdy qalamgerdiń mahabbat taqyrybynda qalam terbegen «Armanym, Áselim» povesi negizinde «QYZYL ORAMALDY ShYNARYM» lirikalyq dramasyn usynady.
Spektakldiń basty keiipkerleri – Iliias pen Ásel taǵdyrdyń jazýymen kezdesken edi. Ekeýiniń kirshiksiz taza, adal mahabbattaryna kedergi bolǵan ne jaǵdai? Uzatylyp bara jatqan jerinen týǵan týystaryn tastap, súigenimen kete barǵan Áseldiń ómiri qalai boldy? Bir-aq ret jiberilgen aǵattyq Iliiastyń otbasynan aiyrylýyna ákep soǵady. Aqyr sońynda naǵyz sulý, pák jandy Áselmen birge qalatyn kim, sezim men namys aiqasynda qaisysy jeńiske jetedi?
Bastalýy: saǵat 19.00-de.
