Nur-Sultan qalasy Almaty aýdanynyń №2 aýdandyq soty «Astana sý arnasy» ShJQ MKK káriz qyzmetiniń basshysy V.V. Vlasenkoǵa «abaisyzda qazaǵa ushyratý baby» boiynsha aiyptaý úkimin jariialady, dep habarlaidy "Ult aqparat" sottyń baspasóz qyzmetine silteme jasap.
Sot 2019 jyldyń 16 aqpanynda Jeleznodorojnyi kenti Gorkii kóshesi, 22 mekenjaiynda «Astana sý arnasy» ShJQ MKK qaramaǵyndaǵy «1100 oryndyq mektep» nysanynyń káriz qudyǵynyń qaqpaǵy jabylmaǵanyn anyqtady.
Osynyń saldarynan ashyq qudyqqa qulap ketken B.Sh. Ómirhan qaza tapqan edi.
Keiinnen osy iske qatysy bar birqatar jaýapty tulǵalarǵa sógis jariialandy.
«Sot Qylmystyq is júrgizý kodeksiniń 170-baby 1-bóligi, 3-tarmaǵy negizinde azamattyq talapkerdiń aryzyn qanaǵattandyrý jáne onyń mólsheri máselesin sottyń azamattyq sot isin júrgizý tártibimen qaraýyna berýdi uiǵardy. Bul rette sot jábirlenýshiniń moraldyq ziiandy óteý týraly talap-aryzyn ishinara qanaǵattandyryp, jábirlenýshi P. A. Chinikbaevanyń paidasyna sottalýshy V. V. Vlasenkodan 4 000 000 teńge óndirdi. «Astana sý Arnasy» ShJQ MKK azamattyq jaýapkerinen buryn qaitys bolǵan bala otbasyna erikti túrde 2 300 000 teńge materialdyq kómek kórsetkenin nazarǵa ala otyryp, 6 000 000 teńge tólem júkteldi. Sotqa deiingi is júrgizý barysynda jábirlenýshi P.A. Chinikbaeva azamattyq jaýapkerdiń turǵyn úimen jáne jumys ornymen qamtamasyz etý usynysynan bas tartqanyn atap ótken jón», - delingen sot habarlamasynda.
Sot úkimimen V. V. Vlasenko kináli dep tanyldy, biraq is merziminiń ótýine bailanysty jazadan bosatyldy.
Úkim zańdy kúshine engen joq.
