نۇر-سۇلتان قالاسى الماتى اۋدانىنىڭ №2 اۋداندىق سوتى «استانا سۋ ارناسى» شجق مكك كەرٸز قىزمەتٸنٸڭ باسشىسى ۆ.ۆ. ۆلاسەنكوعا «ابايسىزدا قازاعا ۇشىراتۋ بابى» بويىنشا ايىپتاۋ ٷكٸمٸن جارييالادى, دەپ حابارلايدى "ۇلت اقپارات" سوتتىڭ باسپاسٶز قىزمەتٸنە سٸلتەمە جاساپ.
سوت 2019 جىلدىڭ 16 اقپانىندا جەلەزنودوروجنىي كەنتٸ گوركيي كٶشەسٸ, 22 مەكەنجايىندا «استانا سۋ ارناسى» شجق مكك قاراماعىنداعى «1100 ورىندىق مەكتەپ» نىسانىنىڭ كەرٸز قۇدىعىنىڭ قاقپاعى جابىلماعانىن انىقتادى.
وسىنىڭ سالدارىنان اشىق قۇدىققا قۇلاپ كەتكەن ب.ش. ٶمٸرحان قازا تاپقان ەدٸ.
كەيٸننەن وسى ٸسكە قاتىسى بار بٸرقاتار جاۋاپتى تۇلعالارعا سٶگٸس جارييالاندى.
«سوت قىلمىستىق ٸس جٷرگٸزۋ كودەكسٸنٸڭ 170-بابى 1-بٶلٸگٸ, 3-تارماعى نەگٸزٸندە ازاماتتىق تالاپكەردٸڭ ارىزىن قاناعاتتاندىرۋ جەنە ونىڭ مٶلشەرٸ مەسەلەسٸن سوتتىڭ ازاماتتىق سوت ٸسٸن جٷرگٸزۋ تەرتٸبٸمەن قاراۋىنا بەرۋدٸ ۇيعاردى. بۇل رەتتە سوت جەبٸرلەنۋشٸنٸڭ مورالدىق زيياندى ٶتەۋ تۋرالى تالاپ-ارىزىن ٸشٸنارا قاناعاتتاندىرىپ, جەبٸرلەنۋشٸ پ. ا. چينيكباەۆانىڭ پايداسىنا سوتتالۋشى ۆ. ۆ. ۆلاسەنكودان 4 000 000 تەڭگە ٶندٸردٸ. «استانا سۋ ارناسى» شجق مكك ازاماتتىق جاۋاپكەرٸنەن بۇرىن قايتىس بولعان بالا وتباسىنا ەرٸكتٸ تٷردە 2 300 000 تەڭگە ماتەريالدىق كٶمەك كٶرسەتكەنٸن نازارعا الا وتىرىپ, 6 000 000 تەڭگە تٶلەم جٷكتەلدٸ. سوتقا دەيٸنگٸ ٸس جٷرگٸزۋ بارىسىندا جەبٸرلەنۋشٸ پ.ا. چينيكباەۆا ازاماتتىق جاۋاپكەردٸڭ تۇرعىن ٷيمەن جەنە جۇمىس ورنىمەن قامتاماسىز ەتۋ ۇسىنىسىنان باس تارتقانىن اتاپ ٶتكەن جٶن», - دەلٸنگەن سوت حابارلاماسىندا.
سوت ٷكٸمٸمەن ۆ. ۆ. ۆلاسەنكو كٸنەلٸ دەپ تانىلدى, بٸراق ٸس مەرزٸمٸنٸڭ ٶتۋٸنە بايلانىستى جازادان بوساتىلدى.
ٷكٸم زاڭدى كٷشٸنە ەنگەن جوق.
