Bes qabatty úide bolǵan órt kezinde elordalyq qutqarýshylar 6 adam, onyn ishinde 2 balany qutqardy, dep habarlaidy "Ult aqparat" vedomstvonyń baspasóz qyzmetine silteme jasap.
«2019 jylǵy 17 qańtarda saǵat 22:16-da «101» ortalyq pýnktine Kúishi Dina kóshesindegi órt týraly habarlama kelip tústi. 5 minýttan keiin shaqyrtý ornyna jetken órt sóndirýshiler 5 qabatty turǵyn úide as úi jihazy, turmystyq tehnika jáne dekorativti tóbe bólshekteriniń janyp jatqanyn anyqtady. Kire beris qatty tútindegen, adamdarǵa qaýip tóngen. Órt sóndirýshiler janyp jatqan jáne kórshi páterlerden eresekter men balalardy qutqardy» delingen habarlamada.
Órt kezinde 6 adam, onyń ishinde 2 bala qutqaryldy. Jalyn 22:38-de oqshaýlanyp, 22:41-de tolyq sóndirildi. Oqiǵa saldarynan 1972 jyly týǵan er adam tútin iisine ýlanyp, №1 qalalyq aýrýhanaǵa jatqyzyldy.
Tilsiz jaý turmystyq quraldardaǵy elektr symdarynyń qysqa tuiyqtalýynan shyqqan. Ony sóndirýge 5 tehnika, 19 qyzmetker jumyldyryldy.
