بەس قاباتتى ٷيدە بولعان ٶرت كەزٸندە ەلوردالىق قۇتقارۋشىلار 6 ادام, ونىن ٸشٸندە 2 بالانى قۇتقاردى, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«2019 جىلعى 17 قاڭتاردا ساعات 22:16-دا «101» ورتالىق پۋنكتٸنە كٷيشٸ دينا كٶشەسٸندەگٸ ٶرت تۋرالى حابارلاما كەلٸپ تٷستٸ. 5 مينۋتتان كەيٸن شاقىرتۋ ورنىنا جەتكەن ٶرت سٶندٸرۋشٸلەر 5 قاباتتى تۇرعىن ٷيدە اس ٷي جيھازى, تۇرمىستىق تەحنيكا جەنە دەكوراتيۆتٸ تٶبە بٶلشەكتەرٸنٸڭ جانىپ جاتقانىن انىقتادى. كٸرە بەرٸس قاتتى تٷتٸندەگەن, ادامدارعا قاۋٸپ تٶنگەن. ٶرت سٶندٸرۋشٸلەر جانىپ جاتقان جەنە كٶرشٸ پەتەرلەردەن ەرەسەكتەر مەن بالالاردى قۇتقاردى» دەلٸنگەن حابارلامادا.
ٶرت كەزٸندە 6 ادام, ونىڭ ٸشٸندە 2 بالا قۇتقارىلدى. جالىن 22:38-دە وقشاۋلانىپ, 22:41-دە تولىق سٶندٸرٸلدٸ. وقيعا سالدارىنان 1972 جىلى تۋعان ەر ادام تٷتٸن يٸسٸنە ۋلانىپ, №1 قالالىق اۋرۋحاناعا جاتقىزىلدى.
تٸلسٸز جاۋ تۇرمىستىق قۇرالدارداعى ەلەكتر سىمدارىنىڭ قىسقا تۇيىقتالۋىنان شىققان. ونى سٶندٸرۋگە 5 تەحنيكا, 19 قىزمەتكەر جۇمىلدىرىلدى.
