Foto: Astana prokýratýrasy
Sot úkimimen bir jaýapkershiligi shekteýli seriktestik (JShS) basshysy salyq tóleýden jaltarǵany úshin 5 jylǵa bas bostandyǵynan aiyryldy. Onyń áreketteri memleketke 242 million teńgeden astam shyǵyn keltirgen, dep habarlaidy "Ult aqparat" Astana qalasynyń prokýratýrasyna silteme jasap.
Memleket múddesin qorǵaý maqsatynda Astana qalasynyń prokýratýrasy azamattyq sot isi arqyly keltirilgen zalaldy óteý úshin jyljymaityn múlki bar JShS-ǵa talap aryz berdi. Ekonomikalyq sot prokýratýranyń talaptaryn qanaǵattandyryp, kórsetilgen salyq somasyn memleket paidasyna óndirý týraly sheshim shyǵardy.
Sot sheshimi zańdy kúshine endi.
