Foto: ashyq derekkózden
Astanada ekinshi aýysymdaǵy daiarlyq synybynan toǵyzynshy synypqa deiingi mektep oqýshylary da qashyqtan oqidy, dep habarlady qalalyq bilim basqarmasy.
"Aýa raiynyń nasharlaýyna bailanysty 2023 jyldyń 5 jeltoqsanynda ekinshi aýysymdaǵy 0-9 synyp oqýshylary qashyqtyqtan oqytý formatyna kóshedi", - dep jazylǵan habarlamada.
Sonymen qatar qoǵamdyq densaýlyq saqtaý basqarmasy kóktaiǵaqtan zardap shekkenderdiń sany týraly málimet berdi.
"5 jeltoqsanda aýa raiynyń nasharlaýyna bailanysty azamattar qalalyq aýrýhanalardaǵy meditsinalyq kómekke júgingen. Saǵat 00.00-den 08.00-ge deiin 37 shaqyrtý túsken, ol azamattardyń eshqaisysy aýrýhanaǵa jatqyzylmaǵan", - delingen habarlamada.
Vedomstvo qalada travmatologiialyq pýnktterdiń jumysy kúsheitilgenin málimdedi.
"Qalalyq densaýlyq saqtaý basqarmasy elorda turǵyndaryna jazataiym oqiǵalardy boldyrmaý úshin múmkindiginshe abai bolýǵa jáne tabany yńǵaily aiaq kiim kiiýge shaqyrdy", - delingen habarlamada.
Jaraqat alǵan jaǵdaida dereý meditsinalyq pýnktterge habarlasý qajet.
"Búgingi tańda 4, 5, 6, 7, 9 10-qalalyq emhanalarda 4-shi sanattaǵy balalarǵa shuǵyl meditsinalyq kómek kórsetý úshin jedel járdem bólimsheleri saǵat 8.00-den 20.00-ge deiin jumys isteidi", - dep habarlady basqarmadaǵylar.
Astanada joldar men trotýarlarǵa qum-tuz qospasy sebildi. Qalanyń memlekettik qyzmetteri kúsheitilgen rejimde táýlik boiy jumys istep jatyr.
