فوتو: اشىق دەرەككٶزدەن
استانادا ەكٸنشٸ اۋىسىمداعى دايارلىق سىنىبىنان توعىزىنشى سىنىپقا دەيٸنگٸ مەكتەپ وقۋشىلارى دا قاشىقتان وقيدى, دەپ حابارلادى قالالىق بٸلٸم باسقارماسى.
"اۋا رايىنىڭ ناشارلاۋىنا بايلانىستى 2023 جىلدىڭ 5 جەلتوقسانىندا ەكٸنشٸ اۋىسىمداعى 0-9 سىنىپ وقۋشىلارى قاشىقتىقتان وقىتۋ فورماتىنا كٶشەدٸ", - دەپ جازىلعان حابارلامادا.
سونىمەن قاتار قوعامدىق دەنساۋلىق ساقتاۋ باسقارماسى كٶكتايعاقتان زارداپ شەككەندەردٸڭ سانى تۋرالى مەلٸمەت بەردٸ.
"5 جەلتوقساندا اۋا رايىنىڭ ناشارلاۋىنا بايلانىستى ازاماتتار قالالىق اۋرۋحانالارداعى مەديتسينالىق كٶمەككە جٷگٸنگەن. ساعات 00.00-دەن 08.00-گە دەيٸن 37 شاقىرتۋ تٷسكەن, ول ازاماتتاردىڭ ەشقايسىسى اۋرۋحاناعا جاتقىزىلماعان", - دەلٸنگەن حابارلامادا.
ۆەدومستۆو قالادا تراۆماتولوگييالىق پۋنكتتەردٸڭ جۇمىسى كٷشەيتٸلگەنٸن مەلٸمدەدٸ.
"قالالىق دەنساۋلىق ساقتاۋ باسقارماسى ەلوردا تۇرعىندارىنا جازاتايىم وقيعالاردى بولدىرماۋ ٷشٸن مٷمكٸندٸگٸنشە اباي بولۋعا جەنە تابانى ىڭعايلى اياق كيٸم كييۋگە شاقىردى", - دەلٸنگەن حابارلامادا.
جاراقات العان جاعدايدا دەرەۋ مەديتسينالىق پۋنكتتەرگە حابارلاسۋ قاجەت.
"بٷگٸنگٸ تاڭدا 4, 5, 6, 7, 9 10-قالالىق ەمحانالاردا 4-شٸ ساناتتاعى بالالارعا شۇعىل مەديتسينالىق كٶمەك كٶرسەتۋ ٷشٸن جەدەل جەردەم بٶلٸمشەلەرٸ ساعات 8.00-دەن 20.00-گە دەيٸن جۇمىس ٸستەيدٸ", - دەپ حابارلادى باسقارماداعىلار.
استانادا جولدار مەن تروتۋارلارعا قۇم-تۇز قوسپاسى سەبٸلدٸ. قالانىڭ مەملەكەتتٸك قىزمەتتەرٸ كٷشەيتٸلگەن رەجيمدە تەۋلٸك بويى جۇمىس ٸستەپ جاتىر.
