Búgin Astana qalasynda Qazaqstan musylmandary dini basqarmasynyń 35 jyldyǵyna arnalǵan «Dini basqarmaǵa – 35 jyl» atty rýhani kesh uiymdastyryldy.
Kesh barysynda QMDB-nyń 35 jyldyq mereitoiyna arnaiy túsirilgen derekti filmniń tusaýkeseri ótip, kórermen nazaryna usynyldy. Sonymen qatar dini basqarmanyń tarihy men el rýhaniiaty jolyndaǵy qyzmetin aishyqtaityn sahnalyq kórinisti Astana miýzikl teatrynyń ártisteri qoidy. Mereitoilyq keshte arnaiy daiyndalǵan arnaýdy «Altyn dombyra» júldesiniń iegeri, aqyn Maqsat Aqanov oryndady. Al tanymal ánshi Erjan Maksim patriottyq rýhtaǵy «Atameken» ánin oryndap, kórermenderge erekshe áser syilady.
Bas múfti Naýryzbai qajy Taǵanuly óz sózinde: «Búgin biz elimizdiń rýhani ómirindegi erekshe tarihi kezeńge kýá bolyp otyrmyz. Osydan otyz bes jyl buryn, 1990 jyly, halqymyzdyń rýhani bolmysy men dini birligin saqtaý maqsatynda Qazaqstan musylmandary dini basqarmasy qurylǵan bolatyn. Bul – el tarihyndaǵy aitýly oqiǵa, halqymyzdyń táýelsizdikke aiaq basqan sátinde rýhani táýelsizdiktiń irgetasyn qalaǵan mańyzdy kezeń edi. Alla Taǵalaǵa sansyz shúkirler bolsyn, sodan bergi jyldar ishinde Dini basqarma elimizdiń dini ómirinde berik orny bar, halyqtyń senimine ie, dástúr men dindi ushtastyrǵan qara shańyraqqa ainaldy», – dedi.
Aita keteiik, biyl Qazaqstan musylmandary dini basqarmasynyń qurylǵanyna 35 jyl tolyp otyr. Osy mereili data aiasynda respýblikamyzda jyl kóleminde túrli rýhani is-sharalar men konferentsiialar uiymdastyrylýda.
