بٷگٸن استانا قالاسىندا قازاقستان مۇسىلماندارى دٸني باسقارماسىنىڭ 35 جىلدىعىنا ارنالعان «دٸني باسقارماعا – 35 جىل» اتتى رۋحاني كەش ۇيىمداستىرىلدى.
كەش بارىسىندا قمدب-نىڭ 35 جىلدىق مەرەيتويىنا ارنايى تٷسٸرٸلگەن دەرەكتٸ فيلمنٸڭ تۇساۋكەسەرٸ ٶتٸپ, كٶرەرمەن نازارىنا ۇسىنىلدى. سونىمەن قاتار دٸني باسقارمانىڭ تاريحى مەن ەل رۋحانيياتى جولىنداعى قىزمەتٸن ايشىقتايتىن ساحنالىق كٶرٸنٸستٸ استانا ميۋزيكل تەاترىنىڭ ەرتٸستەرٸ قويدى. مەرەيتويلىق كەشتە ارنايى دايىندالعان ارناۋدى «التىن دومبىرا» جٷلدەسٸنٸڭ يەگەرٸ, اقىن ماقسات اقانوۆ ورىندادى. ال تانىمال ەنشٸ ەرجان ماكسيم پاتريوتتىق رۋحتاعى «اتامەكەن» ەنٸن ورىنداپ, كٶرەرمەندەرگە ەرەكشە ەسەر سىيلادى.
باس مٷفتي ناۋرىزباي قاجى تاعانۇلى ٶز سٶزٸندە: «بٷگٸن بٸز ەلٸمٸزدٸڭ رۋحاني ٶمٸرٸندەگٸ ەرەكشە تاريحي كەزەڭگە كۋە بولىپ وتىرمىز. وسىدان وتىز بەس جىل بۇرىن, 1990 جىلى, حالقىمىزدىڭ رۋحاني بولمىسى مەن دٸني بٸرلٸگٸن ساقتاۋ ماقساتىندا قازاقستان مۇسىلماندارى دٸني باسقارماسى قۇرىلعان بولاتىن. بۇل – ەل تاريحىنداعى ايتۋلى وقيعا, حالقىمىزدىڭ تەۋەلسٸزدٸككە اياق باسقان سەتٸندە رۋحاني تەۋەلسٸزدٸكتٸڭ ٸرگەتاسىن قالاعان ماڭىزدى كەزەڭ ەدٸ. اللا تاعالاعا سانسىز شٷكٸرلەر بولسىن, سودان بەرگٸ جىلدار ٸشٸندە دٸني باسقارما ەلٸمٸزدٸڭ دٸني ٶمٸرٸندە بەرٸك ورنى بار, حالىقتىڭ سەنٸمٸنە يە, دەستٷر مەن دٸندٸ ۇشتاستىرعان قارا شاڭىراققا اينالدى», – دەدٸ.
ايتا كەتەيٸك, بيىل قازاقستان مۇسىلماندارى دٸني باسقارماسىنىڭ قۇرىلعانىنا 35 جىل تولىپ وتىر. وسى مەرەيلٸ داتا اياسىندا رەسپۋبليكامىزدا جىل كٶلەمٸندە تٷرلٸ رۋحاني ٸس-شارالار مەن كونفەرەنتسييالار ۇيىمداستىرىلۋدا.
