Foto: MAM
2025 jyldyń 14-15 sáýirinde E.Rahmadiev atyndaǵy Memlekettik akademiialyq filarmoniiasynda Qazaqstan halqy Assambleiasynyń 30 jyldyǵyna arnalǵan «Birlik pen kelisim jolyndaǵy 30 jyl» taqyrybynda QHA shyǵarmashylyq ujymdarynyń respýblikalyq festivali ótti, dep habarlaidy Ult.kz.
Is-sharaǵa QHA Tóraǵasynyń orynbasary Marat Ázilhanov, QR Mádeniet jáne aqparat vitse-ministri E. Kochetov, QR Parlamenti Senatynyń depýtaty Núriia Niiazova, sondai-aq QHA músheleri, etnomádeni birlestikterdiń ókilderi qatysty.
Eki kúndik baǵdarlama mándi ári maǵynaly is-sharalarǵa toly boldy. Qatysýshylar halyqtyq vokal, horeografiia jáne qazaq aspaptary boiynsha sheberlik synyptaryna qatysty. Festival barysynda dárister, kontsertter jáne mádeniet qairatkerlerimen shyǵarmashylyq kezdesýler, folklordy damytý máseleleri boiynsha dóńgelek ústel, óńirlerden kelgen qatysýshylar úshin ekskýrsiialar men mádeni is-sharalar uiymdastyryldy.
Festival saltanatty gala-kontsertpen aiaqtalyp, onda laýreattar men jeńimpazdarǵa «Halyq bii», «Halyq ánderi», «Halyq aspaptary» atalymdary boiynsha marapattar tabystaldy.
Foto: MAM
