Foto: Kp.kz
Astana qalasynyń ákimi Jeńis Qasymbek elorda halqy sanynyń turaqty ósip kele jatqanyn aityp, bul jaǵdai qala infraqurylymyna jańa talaptar qoiatynyn málimdedi, dep habarlaidy Ult.kz.
Qala ákiminiń aitýynsha, halyq sanynyń artýy aldyn ala josparlaýdy jáne áleýmettik nysandardy damytýǵa baǵyttalǵan júieli sheshimderdi qajet etedi. 1 qarashadaǵy esep boiynsha, Astanada 1 622 245 adam turady. Jyl basynan beri qala halqy 93 542 adamǵa artqan.
Onyń ishinde 17 265 adam tabiǵi ósim esebinen, al 76 277 adam kóshi-qon arqyly kelgen. Jalpy halyq sany 6,12 paiyzǵa ósip, jyl saiynǵy kóshi-qon aǵyny shamamen 100 myń adamǵa jetken.
Bul úrdis densaýlyq saqtaý, bilim berý, jumyspen qamtý jáne áleýmettik qoldaý júielerine túsetin júktemeni edáýir arttyryp otyrǵanyn qala ákimi atap ótti. Osyǵan bailanysty elordada jańa mektepter, meditsinalyq mekemeler men áleýmettik infraqurylym nysandaryn salý máselesine erekshe nazar aýdarylyp otyr.
