Roza Baǵlanova atyndaǵy «Qazaqkontsert» memlekettik akademiialyq kontserttik uiymynda tanymal kompozitor, Qazaqstannyń eńbek sińirgen óner qairatkeri, «Parasat», «Qurmet» ordenderiniń iegeri Keńes Dúisekeevtiń shyǵarmashylyǵyna arnalǵan «Sálem saǵan, týǵan el» atty mýzykalyq kesh ótti. Atalǵan is-shara kompozitordyń 80 jyldyq mereitoiyna orai uiymdastyrylyp, respýblikalyq deńgeide ótkiziletin alǵashqy is-sharalardyń biri sanalady.
Kontserttik baǵdarlamada kompozitordyń el júreginen oryn alǵan tańdaýly shyǵarmalary oryndalyp, onyń ulttyq ónerge qosqan ólsheýsiz úlesi men taǵylymdy shyǵarmashylyq joly keńinen tanystyryldy. Atap aitqanda, «Sálem saǵan, týǵan el», «Oilaisyń ba, janym», «Dombyra týraly ballada», «Ókinbe sen», «Ǵashyqtar jyry», «Qaraǵym-ai, «Anaǵa hat», «Ainakól» jáne t.b. týyndylary kórermen nazaryna usynyldy.
Is-sharada Qazaqstannyń eńbek sińirgen qairatkerleri Nurlan Ónerbaev, Qurmash Mahan, Altynai Jorabaeva, Erlan Rysqali, «Ereń eńbegi úshin» medaliniń iegerleri Baýyrjan Isaev, Altynshash Muqataeva, Anna Ývarova, «Daryn» memlekettik jastar syilyǵynyń laýreattary Alibek Almadiev, Asqar Muqiiat, Ádilhan Makin, Mádeniet salasynyń úzdigi Perizat Turarova, tanymal kompozitor, mýltiinstrýmentalist Ádiljan Tolyqpaev, respýblikalyq jáne halyqaralyq baiqaýlardyń laýreattary Qýandyq Shalqaruly, Asylhan Shalqarov, Erbol Tájibaev, Nurai Sherý, Sultan Ahmet, Zarina Makina, Dariia Bekpenbetova, Aiym Qoǵam, Venera Tabys, Aqbópe Álibekova, «Saz&Soul» toby, G-bend, «Gulder» ansambli jáne Astana» estradalyq simfoniialyq orkestri óner kórsetti.
Keńes Dúisekeev - qazaq mýzyka óneriniń altyn qoryna engen biregei týyndylardyń avtory, ulttyq rýh pen zamanaýi áýendi sheber ushtastyrǵan kórnekti kompozitor. Onyń shyǵarmashylyq murasynda «Tolǵaý» simfoniiasy, «Jalańtós batyr» simfoniialyq poema-kartinasy, «O, dúnie» kantatasy, «Jyl mezgilderi» romanstar tsikli, sondai-aq «Jan áke», «Asyl ana», «Týǵan jer», «Dastarhan», «Dostar-ai» jáne t.b. keńinen tanymal mýzykalyq shyǵarmalary bar. Sonymen qatar kompozitor «Mádi», «Aqqý Jibek» miýziklderiniń, «Aldar kóse» operettasy, simfoniia-kontsert pen túrli aspaptarǵa arnalǵan kontsert, kameralyq orkestrge arnalǵan shyǵarmalar men 200-den astam ánniń avtory.
Atalǵan keshke kompozitordyń jary Baian Dúisekeeva men uly Nurken Dúisekeev arnaiy qonaq retinde qatysty.
