Foto: Mádeniet jáne aqparat ministrligi baspasóz qyzmeti
«Habar» agenttigi Mádeniet jáne aqparat ministrliginiń tapsyrysy boiynsha qazaqtyń qazynasy – dombyra men kúi mádenieti týraly syr shertetin «Qazyna» jańa telejobasyn jaryqqa shyǵardy, - dep habarlaidy "Ult aqparat".
Tusaýkeserge QR Parlamenti Senaty men Májilisiniń depýtattary, shyǵarmashylyq ziialy qaýym ókilderi qatysty.
Mádeniet jáne aqparat ministri Aida Balaeva qazaq halqy ǵasyrlar boiy tarih pen mádenietti saqtap, olardy kúi arqyly jetkizgenin atap ótti.
«Ulttyq dombyra kúnimen quttyqtaǵan Memleket basshysy Qasym-Jomart Toqaev: «Dombyra úninen ulttyq tarihtyń bastaýy men Uly dalanyń san ǵasyrlyq shejiresi estiledi. Halqymyzdyń tól mádenieti men ónerin dombyrasyz elestetý múmkin emes. Júrekten shyqqan kúi ulttyq rýhty kóteredi" dedi. Shynynda da kúi óneri el tarihymen birge ómir súredi. Bizdiń mindetimiz – qasietti ónerimizdi nasihattaý jáne bolashaq urpaqqa amanat etý", - dep atap ótti Aida Balaeva.
"Qazyna" telejobasy dombyrany nasihattaýǵa, esimi mýzyka tarihyna altyn árippen jazylǵan kúishilerdiń murasyn qazaqstandyqtardyń sanasynda jańǵyrtýǵa baǵyttalǵan.
Derekti filmde 7 mekteptiń tarihy, oqiǵalary men erekshelikteri týraly baiandaidy.
Aita keteiik, sońǵy jyldary kúi ónerin zertteýshi ǵalymdar mektepter sanyn 7-den 12-ge deiin arttyrdy.
Jobaǵa ónertaný, mýzykataný, etnografiia jáne tarih ǵylymdarynyń mamandary qatysady.
