Astana qalasynyń tótenshe jaǵdailar departamenti basshylarǵa jumys kúnin qysqartýǵa keńes berdi.
"Aýa temperatýrasynyń kúrt tómendeýi men aýa raiy qolaisyzdyǵyna bailanysty qaiǵyly jaittardyń aldyn alý maqsatynda Astana qalasynyń Tótenshe jaǵdailar departamenti memlekettik organdar, bilim berý mekemeleri, kásiporyn nysandary, qurylys nysandaryna jumys kúnin qysqartýǵa keńes beredi", — delingen habarlamada.
Qalanyń órt qyzmeti, politsiia, tótenshe jaǵdailar departamenti, jedel járdem, kommýnaldyq qyzmetter bul tizimge kirmeidi.
"Qazgidromet" málimeti boiynsha, 25 jeltoqsanda aýa temperatýrasy – 30 gradýs, al sezilýi —38 gradýs, jeldiń ekpini 2 m/s.
Esterińizge sala ketsek, Astanada kolledjdiń eki stýdentin II jáne III dárejeli úsik shalyp, qalalyq balalar aýrýhanasyna jetkizildi. Jalpy aiazǵa bailanysty 7 adam meditsinalyq kómekke júgingen.
Keshe Astana qalasynyń Bilim basqarmasy aýa raiynyń qolaisyzdyǵyna bailanysty 25 jeltoqsanda birinshi jáne ekinshi aýysymdaǵy 0-11 (12) synyp oqýshylary men kolledjderdiń 1-2 kýrs stýdentteri úshin sabaq bolmaitynyn habarlady.
