2018 jyldyń 7 qarashasynda Beibitshilik jáne kelisim saraiynda shetelde turatyn otandastarymyzdyń qatysýymen «Qasietti Qazaq Eli» halyqaralyq óner festivali ótti, dep habarlaidy "Ult aqparat".
Óner festivaline elimizdiń ár óńirinen kelgen qatysýshylardan bólek, Germaniia, Frantsiia, Qytai, Resei, Mońǵoliia, Túrkiia siiaqty alys-jaqyn shetelderden 50-den astam qandastarymyz qatysty.
Festivaldiń maqsaty – otandastarymyzdyń shyǵarmashylyq jáne bilim áleýetin arttyrý, olarǵa qatysty mańyzdy máselelerdi talqylaý, týǵan til men mádeni qundylyqtardy igerýi turǵysynan qazaq diasporasyna ádistemelik jáne uiymdastyrýshylyq qoldaý kórsetý, talantty oryndaýshylardy anyqtaý jáne qoldaý kórsetý bolyp tabylady.
Festival aiasynda múshaira, terme jáne halyqtyq qoldanbaly óner nominatsiialary boiynsha saiystar uiymdastyryldy.
Festivaldiń jeńimpazdaryn marapattaý rásimine QR Qoǵamdyq damý ministri Darhan Káletaev, «Otandastar qory» KEU Prezidenti Nurtai Ábiqaev, Astana qalasy ákiminiń orynbasary Ermek Amanshaev qatysty.
Qatysýshylar aldynda QR Qoǵamdyq damý ministri D.Káletaev quttyqtaý sóz sóilep, «Qasietti Qazaq Eli» halyqaralyq óner festivali Memleket basshysy N.Á.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasy aiasynda júzege asyrylyp otyrǵanyn atap ótti.
Qazirgi ýaqytta álemniń 43 memleketinde 5 milionnan astam qandastarymyz turady. Olardyń basym bóligi Qazaqstanmen shekaralas elderde ómir súredi: Ózbekstan (900 myń adam), Qytai (1,5 mln adam), Resei (800 myń adam), Túrkmenstan (65 myń adam), Mońǵoliia (142 myń adam) jáne Qyrǵyzstan (33 myń adam).
