Sybailas jemqorlyqqa qarsy is-qimyl ulttyq biýrosynyń Astana qalasy boiynsha departamenti QR Investitsiialar jáne damý ministrligi «Kásibi áskerilendirilgen apattyq-qutqarý qyzmeti» RMK bas direktory B.Sh. Halyqty 70 myń AQSh dollary somasynda kezekti para alý barysynda ustady, dep habarlaidy vedomstvonyń baspasóz qyzmeti.
Kúdikti atqarylǵan jumystar aktisine jyldam qol qoiý úshin merdiger uiymdardan júieli túrde para alýdyń qylmystyq shemasyn uiymdastyrǵan.
Budan bólek, B.Sh. Halyq bas esepshi K.T.Medebaeva men kásiporynnyń Atyraýdaǵy bólimshesiniń basshysy T.Ý.Mahmutovtyń qatysýymen RMK-nyń iri kólemde qarjysyn jymqyrdy degen kúdikke ilikti.
Onyń turǵylyqty mekenjaiyn tintý barysynda 300 myń AQSh dollary men 6 mln teńge tabyldy.
23 mamyr kúni B.Sh. Halyq, K.T.Medebaeva jáne T.Ý.Mahmutov ustalyp, ýaqytsha ustaý oqshaýlaǵyshyna qamaldy.
Sotqa deiingi tergeý jumystary júrgizilýde.
