Sýret: Kursiv.kz
Astanadaǵy «Eolus» qarjy piramidasynyń qurylymdyq bólimshesin uiymdastyrýshy uzaq merzimge bas bostandyǵynan aiyryldy, dep habarlaidy "Ult aqparat".
Qarjy monitoringi agenttiginen habarlaǵandai, onyń 2023 jyly AQSh-ta ornalasqan jańartylatyn energiia kózderine investitsiia salý jeleýimen jeke tulǵalardan aqsha tartý maqsatynda keńse jaldap, «ENERGY EOLUS QAZAQSTAN» JShS-ny tirkegeni anyqtaldy.
«Investorlardyń qarajaty kriptovaliýta túrinde tartyldy jáne esepke alý men qaita bólý úshin sheteldik hakerler jasaǵan «energyeolus.info» platformasynda kórsetildi. Astanada aqshasyn salǵan 535 adam tartyldy. Sot sheshimimen 187 mln teńgege teń 408 myń USDt kólemindegi kriptovaliýta memleket paidasyna tárkilendi», - delingen QMA habarlamasynda.
Sot úkimimen uiymdastyrýshy kináli dep tanylyp, oǵan múlki tárkilenip, 6 jyl merzimge bas bostandyǵynan aiyrý, 5 jyl merzimge azamattardyń qarajaty men investitsiialaryn tartýǵa bailanysty qyzmetpen ainalysý quqyǵynan aiyrý jazasy taǵaiyndaldy.
Vedomstvo ókilderi qarjy piramidasyn qurý qylmystyq jaýapkershilikke tartylatynyn jáne múlki tárkilenip, 10 jylǵa deiin bas bostandyǵynan aiyrý arqyly jazalanatynyn eskertedi.
