Foto: ashyq derekkóz
Astanada qart adamdardy aldap, iri kólemde aqsha jymqyrǵan úsh dropperge sot úkimi shyqty, dep habarlaidy Ult.kz.
Tergeý derekterine sáikes, olar Telegram arqyly belgisiz kýratormen bailanysyp, qart jandarǵa týystary jol apatyna ushyraǵany týraly jalǵan aqparat taratqan. «Zardap shekkenderge kómek kerek» degen syltaýmen azamattardan 14 mln teńgeden astam qarjy alǵan.
Jinalǵan qarajattyń bir bóligi ózderinde qalyp, qalǵanyn uiymdastyrýshynyń shotyna aýdaryp otyrǵan.
Kúdiktilerdiń ekeýi shetel azamattary bolyp shyqty. Olar elden ketpek bolǵan sátinde Almaty halyqaralyq áýejaiynda ustaldy.
Memlekettik aiyptaýshy sotta olardyń kinásin dáleldep, jábirlenýshilerge keltirilgen shyǵyn tolyq óteldi.
Sot sheshimimen úsh aiyptalýshynyń árqaisysy 2 jylǵa bas bostandyǵynan aiyryldy.
Prokýratýra alaiaqtyq úshin zańda múlki tárkilenip, 10 jylǵa deiin bas bostandyǵynan aiyrý jazasy kózdelgenin eskertedi.
