Ákimdik, qalalyq orta sapasy jáne baqylaý basqarmasy ókilderi men politseilerden quralǵan mobildi top ótken táýlikte 139 kásipkerlik mekemeni tekserdi, dep habarlaidy "Ult aqparat" Nur-Sultan politsiia departamentiniń baspasóz qyzmetine silteme jasap.
Tekserý barysynda karantin tártibin buzǵan 7 obekti anyqtaldy. Onyń ishinde dúkender, kafe-barlar men spa salon bar.
Sondai-aq Turan kóshesinde «Qyz uzatý» jáne 50 jas mereitoi toilanyp jatqan. Eki merekelik is-sharada da qonaqtar karantin erejesin jáne áleýmettik qashyqtyqty saqtamaǵan.
Mobildik top teksergen kezde uzatý toiǵa qatysýshylardyń bári ortada bilep júrgen jáne qonaqqa kelgenderdiń ishinde jas balalar men qariialarǵa deiin bolǵan.
Tártip buzýshylarǵa qatysty jinalǵan material QR ÁQBtK 425-babyna sai ákimshilik jaýapqa tartý úshin Nur-Sultan qalasynyń qalalyq orta sapasy jáne baqylaý basqarmasyna jiberildi.
Eske sala ketsek, 18 qańtardan bastap qoǵamdyq tamaqtaný oryndary (meiramhana, kafe-bar jáne basqalary) áleýmettik qashyqtyq pen sanitariia talaptaryn saqtai otyryp 7.00-20.00 aralyǵynda jumys isteidi.
Nur-Sultan qalasynyń politsiia departamenti mekeme ieleri men kelýshilerdiń beiqamdyǵy virýstyń taralýyna sebep bolyp, adamdardyń ómirine qaýip tóndiretinin eskertedi.
