Foto: Istockphoto
Elordada iz-túzsiz joǵalyp ketken stýdent Temirlan Temirhan óli kúiinde tabyldy, dep habarlaidy Ult.kz 31 arnaǵa silteme jasap.
19 jastaǵy jas jigit sabaqtan shyqqan soń úiine oralmaǵan. Eriktiler men politsiia bozbalany úsh kún boiy izdegen. Izdeý nátijesinde tártip saqshylary jigittiń denesin qala shetinen tapty.
«Eriktiler men áskeri qyzmetshilerdiń qatysýymen jas jigittiń júrip ótken baǵyty boiynsha izdestirý is-sharalary júrgizildi.14 qarasha kúni joldyń jieginde ósip turǵan aǵashtardyń janynan iz-túzsiz ketken jigittiń denesi tabyldy. Denesinde zorlyq-zombylyq belgileri bolǵan joq», – dedi Astana qalasy politsiia departamentiniń baspasóz hatshysy Elmira Sháýlenova.
Temirlan 1-kýrs stýdenti, shet tili mamandyǵynda oqyǵan. Oqytýshylary onyń ashyq, tártipti, sabaqtan qalmaityn úlgili stýdent bolǵanyn aitady. Psihologtar da minezinde kúdik týdyrǵan eshqandai belgiler baiqalmaǵan dep otyr. 11 qarasha kúni ol institýt ǵimaratynan jalǵyz ózi shyǵyp ketken.
Temirlan jataqhanada turmaǵan, Talapker aýylynnan qatynyp oqyǵan eken.
«Osy 3 aidyń ishinde bala óte jaqsy ózin kórsetti. Sabaqtan qalmaityn, oqytýshylary barlyǵy bir aýyzdan balanyń óte ashyq, minezinde eshqandai olqylyqtar baiqalmaǵanyn aityp otyr», – dedi A.Qusaiynov atyndaǵy Eýraziia gýmanitarlyq institýtynyń rektory Nurbaný Nyǵmanova.
