فوتو: Istockphoto
ەلوردادا ٸز-تٷزسٸز جوعالىپ كەتكەن ستۋدەنت تەمٸرلان تەمٸرحان ٶلٸ كٷيٸندە تابىلدى, دەپ حابارلايدى Ult.kz 31 ارناعا سٸلتەمە جاساپ.
19 جاستاعى جاس جٸگٸت ساباقتان شىققان سوڭ ٷيٸنە ورالماعان. ەرٸكتٸلەر مەن پوليتسييا بوزبالانى ٷش كٷن بويى ٸزدەگەن. ٸزدەۋ نەتيجەسٸندە تەرتٸپ ساقشىلارى جٸگٸتتٸڭ دەنەسٸن قالا شەتٸنەن تاپتى.
«ەرٸكتٸلەر مەن ەسكەري قىزمەتشٸلەردٸڭ قاتىسۋىمەن جاس جٸگٸتتٸڭ جٷرٸپ ٶتكەن باعىتى بويىنشا ٸزدەستٸرۋ ٸس-شارالارى جٷرگٸزٸلدٸ.14 قاراشا كٷنٸ جولدىڭ جيەگٸندە ٶسٸپ تۇرعان اعاشتاردىڭ جانىنان ٸز-تٷزسٸز كەتكەن جٸگٸتتٸڭ دەنەسٸ تابىلدى. دەنەسٸندە زورلىق-زومبىلىق بەلگٸلەرٸ بولعان جوق», – دەدٸ استانا قالاسى پوليتسييا دەپارتامەنتٸنٸڭ باسپاسٶز حاتشىسى ەلميرا شەۋلەنوۆا.
تەمٸرلان 1-كۋرس ستۋدەنتٸ, شەت تٸلٸ ماماندىعىندا وقىعان. وقىتۋشىلارى ونىڭ اشىق, تەرتٸپتٸ, ساباقتان قالمايتىن ٷلگٸلٸ ستۋدەنت بولعانىن ايتادى. پسيحولوگتار دا مٸنەزٸندە كٷدٸك تۋدىرعان ەشقانداي بەلگٸلەر بايقالماعان دەپ وتىر. 11 قاراشا كٷنٸ ول ينستيتۋت عيماراتىنان جالعىز ٶزٸ شىعىپ كەتكەن.
تەمٸرلان جاتاقحانادا تۇرماعان, تالاپكەر اۋىلىننان قاتىنىپ وقىعان ەكەن.
«وسى 3 ايدىڭ ٸشٸندە بالا ٶتە جاقسى ٶزٸن كٶرسەتتٸ. ساباقتان قالمايتىن, وقىتۋشىلارى بارلىعى بٸر اۋىزدان بالانىڭ ٶتە اشىق, مٸنەزٸندە ەشقانداي ولقىلىقتار بايقالماعانىن ايتىپ وتىر», – دەدٸ ا.قۇسايىنوۆ اتىنداعى ەۋرازييا گۋمانيتارلىق ينستيتۋتىنىڭ رەكتورى نۇربانۋ نىعمانوۆا.
