Astanada investorlar qarajatyna 12 jyly aialdama salyndy. Onyń kópshiligi - jergilikti kásipkerlerdiń syiy, dep habarlaidy "Ult aqparat" Astana qalasy ákimdiginiń resmi saityna silteme jasap.
Astanada jergilikti investorlar qarajatyna salynǵan 12 jyly aialdama jumys istep tur. «Astana» ÁKK» AQ-niń basqarma tóraǵasynyń birinshi orynbasary Baýyrjan Kankin jýyrda osy salada sheteldik investordyń paida bolǵanyn jetkizdi. Al qalǵandary - Astananyń biznes ókilderi.
B. Kankinniń túsindirýinshe, investorlar óz salymdaryn aialdamada kommertsiia júrgiziletin pavilondar arqyly jáne jarnamalyq bannerlerdi ornalastyrý esebinen aqtaityn bolady.
«Aialdamalarda Wi-Fi qyzmetin usynatyn investorlar bar jáne ony olar óz taýar-qyzmetin satý baǵytynda qoldanady. Sondai-aq, aialdamalarǵa terminaldar, apparattar qoiylady, investor jalǵa berý esebinen de paida kóredi», dedi Kankin.
Avtobýs aialdamasyndaǵy kommýnaldyq shyǵystardy da investor tóleidi. Al aialdama ornalasqan jer telimi 10 jylǵa jalǵa beriledi.
Eske sala keteiik, keshe Jaǵalaý shaǵyn aýdanynda AQSh investory qarjysyna salynǵan Your I-Stop «aqyldy ári jyly» aialdamanyń ashylýy ótti. «Esil» aýdany ákimdiginiń qoldaýymen aialdamaǵa kommýnikatsiia tartylǵan. Pavilondy Astanada otandyq kásiporyn daiyndaǵan.
Al 2019 jyldyń sońyna deiin qalada osyndai 50 aialdama ashylady dep josparlanýda.
