Astanada esirtki taratatyn internet-dúkenniń «qoimasy» qyzmetin atqarǵan páter anyqtaldy. Politsiia 33 jastaǵy er adamdy ustady, dep habarlaidy ult.kz.
IIM málimetinshe, kúdiktiniń bel sómkesinen marihýana salynǵan túiinshekter tabylǵan. Al páterin tintý kezinde túrli tústi izolentamen oralǵan 2 myńnan astam túiinshek pen suiyq zat quiylǵan tútiksheler tárkilendi.
Saraptama tútikshelerdegi zattyń gashish maiy ekenin kórsetti. Tárkilengen esirtkiniń jalpy salmaǵy 2 keliden asqan.
Meditsinalyq kýálandyrý kezinde er adamnyń esirtki qoldanǵany da anyqtaldy.
Ol messendjerler arqyly tyiym salynǵan zattardy satatyn internet-dúkenge «qoima» retinde qyzmet kórsetken degen kúdikke ilindi. Qazir politsiia esirtkiniń zańsyz ainalymyna qatysy bar ózge adamdardy anyqtap jatyr.
Atalǵan fakti boiynsha qylmystyq is qozǵaldy.
