استانادا ەسٸرتكٸ تاراتاتىن ينتەرنەت-دٷكەننٸڭ «قويماسى» قىزمەتٸن اتقارعان پەتەر انىقتالدى. پوليتسييا 33 جاستاعى ەر ادامدى ۇستادى, دەپ حابارلايدى ult.kz.
ٸٸم مەلٸمەتٸنشە, كٷدٸكتٸنٸڭ بەل سٶمكەسٸنەن ماريحۋانا سالىنعان تٷيٸنشەكتەر تابىلعان. ال پەتەرٸن تٸنتۋ كەزٸندە تٷرلٸ تٷستٸ يزولەنتامەن ورالعان 2 مىڭنان استام تٷيٸنشەك پەن سۇيىق زات قۇيىلعان تٷتٸكشەلەر تەركٸلەندٸ.
ساراپتاما تٷتٸكشەلەردەگٸ زاتتىڭ گاشيش مايى ەكەنٸن كٶرسەتتٸ. تەركٸلەنگەن ەسٸرتكٸنٸڭ جالپى سالماعى 2 كەلٸدەن اسقان.
مەديتسينالىق كۋەلاندىرۋ كەزٸندە ەر ادامنىڭ ەسٸرتكٸ قولدانعانى دا انىقتالدى.
ول مەسسەندجەرلەر ارقىلى تىيىم سالىنعان زاتتاردى ساتاتىن ينتەرنەت-دٷكەنگە «قويما» رەتٸندە قىزمەت كٶرسەتكەن دەگەن كٷدٸككە ٸلٸندٸ. قازٸر پوليتسييا ەسٸرتكٸنٸڭ زاڭسىز اينالىمىنا قاتىسى بار ٶزگە ادامداردى انىقتاپ جاتىر.
اتالعان فاكتٸ بويىنشا قىلمىستىق ٸس قوزعالدى.
