Foto: Polisia.kz
Astanada internet dúken arqyly sintetikalyq esirtki satqan kúdikti ustalyp, ýaqytsha ustaý izoliatoryna qamaýǵa alyndy, – dep habarlaidy "Ult aqparat" Polisia.kz saityna silteme jasap.
"Elordalyq politseiler Astanada sintetikalyq esirtkini ótkizýge qatysy bar internet dúkenderdi joiý boiynsha jumys júrgizip jatyr. Ókinishke orai, jastar arasynda jańadan shyqqan sintetikalyq esirtki men psihikalyq belsendi zattardy qoldaný sánge ainalyp, keńinen nasihattalýda. Buny esirtki deldaldary paidalanyp, internet resýrtary arqyly tyiym salynǵan zattardy jappai ótkizip júr.
Politseiler jedel-izdestirý is-sharalaryn júrgizý barysynda Qabanbai batyr kóshesinde tikelei bailanyssyz internet dúken arqyly esirtki ótkizgen 19 jastaǵy astanalyq jas jigitti anyqtady" - delingen IIM baspasóz qyzmeti habarlamasynda.
Ótkizýshi halyq kóp jinalatyn oryndarǵa, ortalyq saiabaqqa jasyryp qoiyp ketý arqyly esirtkini belgili bir jerlerge qaldyryp otyrǵan.
Jedel-tergeý is-sharalaryn júrgizý barysynda jas jigit qylmys jasaǵanyn moiyndaǵan jáne internet dúkenniń jumys júiesi týraly, sondai-aq ol jerden alatyn zańsyz syiaqy týraly aityp bergen.
"Jeke tintý barysynda odan ishinde sintetikalyq esirtkisi bar 40 túiinshek tabylyp, tárkilendi. Alynǵan sintetikalyq esirtkiniń (mefedron) jalpy salmaǵy - 40 gramm nemese 150 ret qoldanylatyn doza.
Qylmystyq is qozǵaldy. 19 jastaǵy elorda turǵyny Astana qalasy PD ýaqytsha ustaý izoliatoryna qamaldy. Esirtkini ótkizýge birge qatysqandardy anyqtaý jáne ustaý boiynsha jedel-izdestirý is-sharalary júrgizilip jatyr" - delingen habarlamada.
