Astanada joǵary oqý oryndaryna grantqa túsirip, magistratýra men doktorantýraǵa qabyldaýǵa kómektesemin dep ýáde bergen er adamǵa qatysty sot úkimi zańdy kúshine endi, dep habarlaidy ult.kz.
Qala prokýratýrasynyń málimetinshe, sottalýshy ózin bilim berý salasynda yqpaldy bailanystary bar adam retinde tanystyryp, azamattardan qomaqty qarjy alǵan. Alaida ýáde etilgen qyzmetter kórsetilmei, jinalǵan qarajat jeke qajetine jumsalǵan.
Tergeý barysynda alaiaqtyq áreketten 111 adamnyń zardap shekkeni anyqtaldy. Keltirilgen jalpy shyǵyn kólemi shamamen 70 million teńgeni qurady. Jábirlenýshilerdiń basym bóligine keltirilgen zalal áli ótelmegen.
Sottalýshy kinásin moiyndaǵanymen, sot oǵan 4 jyl merzimge bas bostandyǵynan aiyrý jazasyn taǵaiyndady. Úkim 2026 jylǵy 12 mamyrda zańdy kúshine endi.
Prokýratýra azamattardy joǵary oqý oryndaryna túsý men grant alý máselesin zańdy jolmen sheshýge jáne osyndai ýáde beretin adamdarǵa senbeýge shaqyrdy.
