استانادا جوعارى وقۋ ورىندارىنا گرانتقا تٷسٸرٸپ, ماگيستراتۋرا مەن دوكتورانتۋراعا قابىلداۋعا كٶمەكتەسەمٸن دەپ ۋەدە بەرگەن ەر ادامعا قاتىستى سوت ٷكٸمٸ زاڭدى كٷشٸنە ەندٸ, دەپ حابارلايدى ult.kz.
قالا پروكۋراتۋراسىنىڭ مەلٸمەتٸنشە, سوتتالۋشى ٶزٸن بٸلٸم بەرۋ سالاسىندا ىقپالدى بايلانىستارى بار ادام رەتٸندە تانىستىرىپ, ازاماتتاردان قوماقتى قارجى العان. الايدا ۋەدە ەتٸلگەن قىزمەتتەر كٶرسەتٸلمەي, جينالعان قاراجات جەكە قاجەتٸنە جۇمسالعان.
تەرگەۋ بارىسىندا الاياقتىق ەرەكەتتەن 111 ادامنىڭ زارداپ شەككەنٸ انىقتالدى. كەلتٸرٸلگەن جالپى شىعىن كٶلەمٸ شامامەن 70 ميلليون تەڭگەنٸ قۇرادى. جەبٸرلەنۋشٸلەردٸڭ باسىم بٶلٸگٸنە كەلتٸرٸلگەن زالال ەلٸ ٶتەلمەگەن.
سوتتالۋشى كٸنەسٸن مويىنداعانىمەن, سوت وعان 4 جىل مەرزٸمگە باس بوستاندىعىنان ايىرۋ جازاسىن تاعايىندادى. ٷكٸم 2026 جىلعى 12 مامىردا زاڭدى كٷشٸنە ەندٸ.
پروكۋراتۋرا ازاماتتاردى جوعارى وقۋ ورىندارىنا تٷسۋ مەن گرانت الۋ مەسەلەسٸن زاڭدى جولمەن شەشۋگە جەنە وسىنداي ۋەدە بەرەتٸن ادامدارعا سەنبەۋگە شاقىردى.
