QR Mádeniet jáne aqparat ministrligi
Astana qalasyndaǵy Q. Qýanyshbaev atyndaǵy Memlekettik akademiialyq qazaq mýzykalyq-drama teatrynda Qazaqstan halqy Assambleiasynyń 30 jyldyǵyna arnalǵan «Folk&Art Performance» jastar shyǵarmashylyq festivali ótti, dep habarlaidy Ult.kz.
Jobanyń maqsaty – óner arqyly Qazaqstannyń mádeni áralýandyǵyn kórsetý, jas talanttardy qoldaý jáne shyǵarmashylyq bastamalar arqyly etnosaralyq kelisim men birlikti nyǵaitý.
Festival aiasynda shyǵarmashylyq ujymdardyń qatysýymen kontserttik baǵdarlama uiymdastyryldy. Ansamblder halyq bileri men mýzykasyn, aspaptyq shyǵarmalardy, ár etnostyń dástúrlerin beineleitin horeografiialyq qoiylymdardy, «Abai» operasynan Abaidyń ariiasyn, ym-ishara tilinde oryndalǵan ánder men basqa da óner týyndylaryn usyndy.
QR Mádeniet jáne aqparat ministrligi
Sonymen qatar, Qazaqstan halqy Assambleiasynyń 30 jyldyǵyna arnalǵan fotokórme uiymdastyrylyp, onda mádeniet qairatkerleri men Assambleia músheleriniń eńbekteri tanystyryldy. Olar búginde jastarǵa tálimgerlik etýde.
Is-shara barysynda shyǵarmashyl jastarǵa halyqaralyq baiqaýlarǵa qatysýǵa arnalǵan jol júrý granttarynyń 5 sertifikaty tabystaldy.
