Astanada Tótenshe jaǵdailar ministrliginiń qutqarýshylary Esil ózenine túsken 41 jastaǵy áieldi aman alyp qaldy, dep habarlaidy ult.kz.
Oqiǵa 30 shildede Saryarqa aýdanyndaǵy Esil ózeniniń akvatoriiasyn patrýldeý kezinde bolǵan. Qutqarýshylar aǵyndy bóget mańynda sýǵa túsken áieldi baiqap, birden kómekke kirisken.
Jedel árekettiń nátijesinde 1985 jyly týǵan áiel sýdan shyǵarylyp, jaǵaǵa aman-esen jetkizildi.
Oqiǵanyń mán-jaiyn anyqtaý úshin áiel politsiia qyzmetkerlerine tapsyryldy.
Tótenshe jaǵdailar ministrligi azamattardy sýdaǵy qaýipsizdik talaptaryn qatań saqtaýǵa shaqyrdy. Vedomstvonyń eskertýinshe, mas kúide sýǵa túspeý, óz múmkindigińizdi durys baǵalaý, qutqarýshylardyń talaptaryn oryndaý, balalardy sý aidyndarynyń mańynda qaraýsyz qaldyrmaý jáne tek arnaiy jabdyqtalǵan, ruqsat etilgen oryndarda ǵana shomylý qajet.
Eger adam qatty kúizeliste bolyp, ózine nemese ómirine qatysty qaýip tóngendei sezinse, mundai jaǵdaida jaqyndaryna, senimdi adamdarǵa nemese psihologiialyq kómek kórsetetin mamandarǵa dereý júgingen jón. Ýaqytyly qoldaý alý mańyzdy.
