Foto: ashyq derekkóz
Politsiianyń habarlaýynsha, 21 jastaǵy elorda turǵyny ańshy myltyǵymen qozǵalystaǵy avtokóliktiń júrgizýshisine oq atyp, oqiǵa ornynan boi tasalaǵan. Jaraqat alǵan azamat «102» arnasy arqyly politsiiaǵa habar bergen. Jedel izdestirý sharalary nátijesinde kúdikti ustaldy.
Qalalyq politsiianyń málimetinshe, jaraqat alǵan azamat quqyq qorǵaý organynyń qyzmetkeri. Ol oqiǵa kezinde eńbek demalysynda bolǵan.
Politsiia sondai-aq myltyqtyń kúdiktiniń ákesine tiesili ekenin habarlady. Qarý iesi saqtaý talabyn buzǵany úshin ákimshilik jaýapkershilikke tartyldy.
Qazirgi ýaqytta politsiia qyzmetkerleri oqiǵanyń barlyq mán-jaiyn anyqtap jatyr. Atalǵan derek boiynsha sotqa deiingi tergeý bastaldy.
