Búgin elordadaǵy EXPO kórme kesheniniń alańynda elimizdiń bas shyrshasyn jaǵý rásimi ótti, dep habarlaidy Astana ákimdiginiń resmi saity.
Shyrshanyń biiktigi — 25 metr. Ol júzdegen shamshyraqpen bezendirilgen. Merekeniń basty atribýtyn bezendirýde 750 metr girliand, 360 birlik jaryqsham jáne 900-den astam shyrsha shary qoldanyldy.
Shyrshany jaǵý rásimi bastalar aldynda elorda turǵyndary men qonaqtaryna «Ǵajaiyptar túni» ertegi muz-shoýy kórsetildi. Elimizdiń basty shyrshasyn búldirshinder, elorda ákimi Jeńis Qasymbek, Aiaz Ata men Aqshaqar birlese jaǵyp, sahnada qazaqstandyq ártister jáne t.b. óner kórsetti.
«Qurmetti elordamyzdyń turǵyndary men qonaqtary, jańa jyl qarsańynda sizderge merekelik kóńil-kúi, qýanysh, otbasylaryńyzǵa zor densaýlyq tileimin! Astanamyz damyp, órkendei bersin! Aldaǵy jyl qala úshin berekeli bolsyn! Búgin jańa jyl merekesin bastaǵaly otyrmyz. Mundai is-sharalar áli de kóp bolady. Qalamyzdyń barlyq aýdanynda muz aidyndary men syrǵanaqtar ornatylyp jatyr, onda árbir adam bos ýaqytyn kóńildi ótkize alady», — dedi Astana ákimi Jeńis Qasymbek.
Is-shara Astana Muz Fest aýqymdy qysqy festival aiasynda ótkizildi. Búgin muz aidyndary, slaidtar, jańa jyldyq jármeńke jáne t.b. bar qysqy qala óz jumysyn bastady.
